Birkimelur 6–6b er fjögurra hæða steinsteypt fjölbýlishús með kjallara og rishæð sem byggt var árið 1948 af Byggingarfélagi símamanna. Húsið er dæmigert fyrir vandaða steinsteypta fjölbýlishúsabyggð í Vesturbæ Reykjavíkur frá síðari hluta fjórða áratugarins.
Verkið fólst í heildstæðum utanhússviðgerðum, þar á meðal endurnýjun glugga og hurða, endurnýjun þakjárns og þakglugga, múr- og steypuviðgerðum, endurmúrhúðun og steiningu útveggja, málun gluggakarma, viðgerðum á steinsteyptri þakrennu ásamt háþrýstiþvotti á útveggjum og uppsetningu vinnupalla og allrar nauðsynlegrar aðstöðu.
Helstu magntölur:
- Endurmúrhúðun og steining veggja og lofta: 1.305 m²
- Endurnýjun glugga og hurða: 122 stk.
- Endurnýjun þakjárns: 650 m²
- Endurnýjun þakglugga: 17 stk.
- Háþrýstiþvottur útveggja: 1.415 m²
- Endurmúrhúðun og steining veggja og lofta: 1.305 m²
